“Nëse do të pyetej Ramush Haradinaj, atëherë Serbia nuk do të ekzistojë, por për shkak se ai nuk pyetet dhe se me të nuk po negociohet, do të jetë ashtu siç janë pajtuar negociatorët tanë dhe ashtu siç do të pranojnë qytetarët e Serbisë”, ka thënë Vulin në lidhje me deklaratat e Haradinajt se do të ketë marrëveshje me Serbinë nëse kjo e fundit e njeh Kosovën, dhe nëse Presheva, Bujanoci dhe Medvegja do t’i bashkohen Kosovës, transmeton lajmi.net.

Duke e cilësuar kryeministrin si ‘terrorist’, ai tha se Haradinaj po mundohet ta pengojë marrëveshjen vetëm që ta mbajë status quo-n e të jetë i lirë.

“Nëse marrëveshja do të arrihet dhe nëse ne jemi në gjendje të themi se ne mund të ecim përpara, atëherë do të funksionojë gjykata për ‘krimet’ e luftës së UÇK-së dhe e gjithë ajo që Haradinaj dhe të tjerët ai po përpiqen t’i shmangen”, tha Vulin./Lajmi.net/