“Vuçiqit i kujtohet dialogu kur e ka punën ngushtë, siç është rasti me Kosovën”
Një debat ashpër është duke u zhvilluar në Serbi pasi Presidenti i Serbisë, Aleksandër Vuçiq ka thënë se Serbia duhet të zhvilloj debat të brendshëm dhe të përfundojë një herë e mirë çështja e Kosovës.
Lajme
Mirëpo, me këtë deklaratë nuk ka pas pajtime nga politikanët serb, të cilët thanë, se Serbi nuk duhet të merr një vendim të tillë, pasi siç kanë thënë, Kosova është pjesë e Serbisë.
Njëjtë është deklaruar edhe nënkryetar i Partisë Demokratike (DS), Branislav Leçiq, i cili tha sot se Aleksandër Vuçiq kërkon dialog vetëm “kur ai i ka punët ngushtë”, si është çështja e Kosovës, ndërsa në të gjitha gjërat e tjera e merr përgjegjësi vet, transmeton lajmi.net.
“Ai i merr të gjitha përgjegjësitë mbi vete, vetëm kur ai i ka punët ngushtë, kërkon të trajtohet pasi nuk mund të bëjë vetëm, ashtu siç është çështja e Kosovës, duke kërkuar dialog. Dialog kërkon vetëm atëherë kur ai e di se nuk ka pikë në politikë dhe që mund të jetë pikë negative për atë”, tha Leçiq për BETA.
Leçiq tha se dialogu është i nevojshme nëse Vuçiq nuk e fyen inteligjencën e popullit pasi ajo kërcënon zhvillimin e tij shpirtëror. /Lajmi.net/