Siç thotë ai me Ndihmës Sekretarin e Shtetit për Evropën dhe Euroazinë, diskutuan për disa tema, por mbi të gjitha për Kosovën.

“Qëndrimet tona janë mjaft të ndryshme, të ndryshme dhe të largëta në aspektin e Kosovës. Është e rëndësishme që Mitchell ndryshe nga shumë të tjerë, e ka dëgjuar atë që e ka për ta thënë Serbia, e ndoshta edhe e ka kuptuar. Unë jam mirënjohës ndaj tij për këtë…”, ka thënë Vuçiq në një konferencë shtypi.

Sipas Vuçiqit, Serbia dhe SHBA nuk bien dakord kur është fjala për Forcën e Sigurisë së Kosovës, por ata janë pajtuar se duhet të ruhet paqja dhe të vazhdohet dialogu në Bruksel nën patronazhin e Bashkimit Evropian.

“Serbia ka përmbushur të gjitha detyrimet e saj në lidhje me marrëveshjet e Brukseli – Gjyqësori, policia, lëvizja e lirë, telekomunikacionit… Shqiptarët kishte vetëm një dhe ajo e traktateve ligjore ndërkombëtare dhe Bashkësinë e Komunave Serbe, e ato nuk i ka plotësuar”, ka thënë ai, transmeton lajmi.net.

Vuçiq i është ankuar diplomatit amerikan se Kosova nuk do t’i përmbahet Marrëveshjes së Brukselit, respektivisht nuk do ta formojë Asociacionin e Komunave me shumicë Serbe.

Tutje, Vuçiq ka folur edhe për formimin e ushtrisë së Kosovës, i cili ka thënë se në Kosovë ekziston vetëm KFOR-i, kurrfarë forcash tjera. Ai thotë se këtë e parasheh edhe Rezoluta 1244. “Prandaj është pyetja për mysafirët që flasin për ushtrinë, të tregojnë cilindo nen, paragraf, çka do qoftë. Ata atë e mbështesin në tjera çështje, respektivisht në atë se e njohin si shtet të pavarur, kështu që për ta është në rregull që shteti i tillë të ketë ushtri”, ka thënë presidenti serb.

Nga ana tjetër, Mitchell ka deklaruar se SHBA e përkrahin dialogun mes Beogradit dhe Prishtinës dhe i ka thirrur të dy palët që t’i zbatojnë të gjitha obligimet që i kanë ndërmarrë.

“Vizioni i Serbisë është prosperiteti, paqja me fqinjët dhe integrimi me Perëndimin është qëllim i të gjithë neve”, ka përfunduar Mitchell. /Lajmi.net/