Vuçiq reagon pas deklaratave të Komishiqit për Kosovën – Lajmi.net
Vuçiq reagon pas deklaratave të Komishiqit për Kosovën
Autori: Lajmi.net LajmePolitikëRajoni 15:57, 11 October 2018
Deklarata e anëtarit kroat të Presidencës së Bosnje dhe Hercegovinës, Zhelko Komishiq, se Kosova është shtet i pavarur, ka marrë jehonë në Serbi.

Gjatë ditës së djeshme, anëtari kroat i Presidencës së Bonje dhe Hercegovinës, Zhelko  Komishiq, kishte thënë se Kosova tashmë është një shtet i pavarur, transmeton lajmi.net.

Kjo deklaratë e Komishiqit ka ngjallur reagime të shumta në Serbi.

Pas shefit të diplomacisë serbe, Ivica Daçiq, ka reaguar edhe presidenti serb, Aleksnadër Vuçiq, përcjell lajmi.net.

Gjatë një vizite që sot kreu i shtetit serb, Vuçiq kishte në Kralevë, ka thënë se Serbia dëshiron që të ketë një bashkëpunim të mirë edhe me tre anëtarët e rinj të Presidencës së Bosnje dhe Hercegovinës.

Pas pyetjes që iu bë nga gazetarët, presidenti serb, Aleksandër Vuçiq, theksoi se nuk është aspak i lumtur me deklaratën e Komishiqit.

“Unë dua të kem një qasje të përgjithshme në ndërtimin e marrëdhënieve në rajon, përfshirë këtu edhe marrëdhëniet me Bosnje dhe Hercegovinën”, u përgjigj Vuçiq, duke shtuar se, shpeshherë më mirë është të heshtësh se sa të komentosh ndonjë gjë. /Lajmi.net/

Fotolajm

Rozana Radi provokon nga pasqyra, shfaq gjoksin më shumë se ç’duhet
?>

ke nje LAJM

Jeni në vend të ngjarjes, apo dëshironi ta ndani ndonjë storie me të tjerët?

Klikoni në butonin më poshtë

DËRGO