Vetëvendosje: Mustafa po e lufton shtetin duke bërë ministra strukturat ilegale – Lajmi.net
Vetëvendosje: Mustafa po e lufton shtetin duke bërë ministra strukturat ilegale
Autori: Lajmi.net LajmePolitikë 21:12, 20 April 2017
Lëvizja Vetëvendosje ka akuzuar kreun e ekzekutivit kosovar, Isa Mustafën, se po e lufton shtetin e Kosovës duke emëruar strukturat ilegale ministra.

“Kryeministri i Kosovës, Isa Mustafa, pa vullnet e pafuqi për t’i luftuar strukturat paralele, emëroi sot drejtuesin e strukturave ilegale Ivan Todosijeviqin, për ministër të Administrimit të Pushtetit Lokal. Drejtimi i institucioneve nga strukturat ilegale është luftë ndaj shtetësisë dhe funksionimit të Republikës. Ndërkaq, emërimi i tyre prej vetë Kryeministrit është i pajustifikueshëm dhe i pafalshëm”, thuhet në reagimin e LVV-së.

Sipas Vetëvendosjes, kjo Qeveri, sikur edhe të kaluarat, të vetmen gjë që ka bërë me strukturat ilegale është amnistimi e tash edhe rehabilitimi i tyre.

“Kjo Qeveri e paralizuar nuk bën punë të tjera pos atyre që ia cakton Beogradi. Mustafa në vend se të jetë udhëheqës, po bëhet ekzekutues i punëve të strukturave ilegale që nuk e njohin dhe e luftojnë shtetin e Kosovës. Strukturat ilegale duhet të dënohen për krimet e kryera. Por, Mustafa nuk e ka as qëllim e as dëshirë dhe nuk e pranon që e ka për detyrë”, thuhet në reagim.

Fjalët kyçe: Ilegale, Mustafa, Strukturat, VV

Fotolajm

Kim Jung, bëhet pjesë e batutave
?>

ke nje LAJM

Jeni në vend të ngjarjes, apo dëshironi ta ndani ndonjë storie me të tjerët?

Klikoni në butonin më poshtë

DËRGO
 

Lojëra

  • Play Pro Kicker Frenzy
  • Play Supercar Showdown
  • Play Bow Master
  • Play 8 Ball Pool