Veseli: Të gjitha Grupet Parlamentare kërkuan që të mos ketë seancë Kuvendi

Kryetari i Kuvendit të Kosovës, Kadri Veseli, pas mbledhjes së Kryesisë së Kuvendit, ka folur para gazetarëve për seancat e Kuvendit.

Lajme

20/11/2017 16:28

Opozita është ankuar se kryekuvendari nuk ka thirrur seanca qëllimisht, e këtë e ka demantuar Veseli.

Ai ka thënë se ka qenë një konsensus prej të gjitha partive politike që të mos thirrej seancë gjatë zgjedhjeve.

Për këtë Veseli po thotë se kërkesa ka qenë edhe zyrtare.

“Po e them publikisht, që të gjitha grupet parlamentare kanë kërkuar që të mos ketë seancë Kuvendi, bile zyrtarisht kanë kërkuar, dhe ka qenë një konsensus që të mos ketë seancë plenare, kur kishin desht edhe në mes të fushatës, i kishim mbajt 3”, ka thënë Veseli, raporton lajmi.net.