Vermeulen: FMN-ja po e rishikon rritjen ekonomike për Kosovën – Lajmi.net
Vermeulen: FMN-ja po e rishikon rritjen ekonomike për Kosovën
Autori: Lajmi.net EkonomiLajme 10:22, 11 November 2017
Fondi Monetar Ndërkombëtar (FMN) po e rishikon parashikimin e tij për rritjen ekonomike të Kosovës në vitin 2017, por ende konsideron se modeli i saj ekonomik është i paqënddrueshëm, i ka thënë agjencisë Reuters, përfaqësuesi i FMN-së në Kosovë, Ruud Vermeulen.

“Aktualisht, ne jemi në procesin e rishikimit të parashikimeve tona”, tha Vermeulen gjatë intervistës së djeshme, duke theksuar se “ne kemi paraparë rritje 3.5% për këtë vit dhe vitin e ardhshëm, por fakt është se statistikat zyrtare tregojnë se tashmë ekonomia ka shënuar rritje prej 4.3%, gjatë pjesës së parë të vitit 2017”.

Megjithatë, ai tha se ekonomisë së Kosovës, që ka popullatë prej 1.8 milion banorësh, ende i duhet reformë strukturore.

“Rritja është e lartë, por mbështetet në një model të paqëndrueshëm, i udhëhequr nga konsumi dhe investimet në sektorët jo të tregtueshëm, që para se gjithash, financohen nga remitencat, dhe si rezultat është papunësia e lartë dhe aktivitet i ulët” , i tha Vermeulen agjencisë Reuters.

Llogaritet se remitencat nga afro 800 mijë kosovarë që jetojnë në vendet perëndimore e përbëjnë afro 13% të prodhimit kombëtar./REL

Fotolajm

‘’Në makinë, ka njerëz që nuk do të takohen kurrë më!’’
?>

ke nje LAJM

Jeni në vend të ngjarjes, apo dëshironi ta ndani ndonjë storie me të tjerët?

Klikoni në butonin më poshtë

DËRGO
 

Lojëra

  • Play Rock Wheels
  • Play Urban Basketball
  • Play Bubble Trouble
  • Play Supercar Showdown