Vermaelen i Barcelonës
Arsenal ka pranuar ofertën e Barcelonës për qendërmbrojtësin Thomas Vermaelen. Ylli belg shumë shpejt pritet t’i bashkohet gjigantit katalan.
Sport
Thomas Vermaelen është shumë pranë transferimit në Barcelonë pasi Arsenali pranoi një ofertë me vlerë prej 10.3 milionë funte për kapitenin e tij.
Menaxheri Arsene Wenger pranoi të enjten se Vermaelen do të largohet nga Emirates Stadium pasi ka humbur vendin në formacionin bazë.
Dhe, Arsenali refuzoi një ofertë të Manchester Unitedit me vlerë prej 15 milionë funte, duke preferuar që ta shesin atë larg Premierligës dhe jo te një rival për titull.
Ndërsa, gazetari spanjoll Txiki Forero shkroi në profilin e tij në rrjetin social Twitter se transferimi i Vermaelenit në Barcelonë është shumë afër finalizimit pasi Arsenali ka pranuar ofertën e gjigantit katalan me vlerë prej 10.3 milionë funte.