Vendos Pogba

Juventus mori fitore në fushën ku tashmë disa edicione kishte dështuar të dalë me pikë të plota. Kampioni i Italisë mposhti Parmën me rezultat minimal 1-0, në kuadër të xhiros së 11-të në Serie A, falë golit nga mesfushori Paul Pogba, në çerekun e fundit të lojës. Në një duel mjaft të baraspeshuar dhe me…

Sport

02/11/2013 20:12

Juventus mori fitore në fushën ku tashmë disa edicione kishte dështuar të dalë me pikë të plota. Kampioni i Italisë mposhti Parmën me rezultat minimal 1-0, në kuadër të xhiros së 11-të në Serie A, falë golit nga mesfushori Paul Pogba, në çerekun e fundit të lojës.

Në një duel mjaft të baraspeshuar dhe me jo shumë raste për shënim, vendasit u shfaqën të rrezikshëm në kundërsulme, kurse Juventus u mundua të krijojë lojën e zakonshme, por e kishte të vështirë në mungesë të Andrea Pirlos i cili u pushua deri në një fazë të pjesës së dytë kur trajneri Antonio Conte u desh ta inkuadrojë në lojë.

Momenti vendimtar erdhi në minutën e 77-të kur sulmuesi Fabio Quagliarella goditi traversën me një goditje nga distanca, kurse topin e kthyer në portë e dërgoi Pogba.

Në vazhdim Parma u mundua të arrijë deri te barazimi por Juventus u mbrojt me sukses duke dalë fitues nga Enio Tardini.