Komuna e Prishtinës nuk ka dhënë përgjigje nëse ka ndërmarrë ndonjë hap për zgjidhjen e këtij problemi ose nëse në të ardhmen do të veprojë.

Kurse zyrtarët nga Inspektorati në Komunën e Prishtinës kanë kërkuar që për këtë problem t’i referohemi Rregullores për Menaxhimin e Mbeturinave, në të cilën theksohet se shpërndarja e këtyre fletushkave hyn në mbeturinat komerciale e që dënimi për hedhjen e tyre sillet prej 100 deri në 500 euro.

Edhe pse kjo Rregullore ka hyrë në fuqi më 1 janar 2017, bizneset në Kosovë po vazhdojnë që me anë të shpërndarjes së fletushkave ta bëjnë këtë gjë, teksa thonë se nuk kanë pranuar asnjë vendim nga Komuna e Prishtinës për ta ndaluar shpërndarjen e fletushkave.