Vazhdojnë problemet me racizmin në Angli: West Ham dërgon lëndën në polici për rastin Salah
Skuadra e West Ham ka reaguar pas fyerjeve raciste drejtuar yllit të Liverpool, Mohamed Salah.
Sport
Policia angleze ka pranuar evidenca nga ‘Hammers’ pasi skuadra hetoi thirrjet raciste të adresuara ndaj egjiptianit Salah.
Fyerjet kishin për cak besimin e Mo Salah, i cili është një lojtar që i përket besimit Islam. Pra fyerjet ishin në baza fetare.
Gjithçka ishte zbuluar nga një video e publikuar në rrjetet sociale, ku shihej Salah duke ekzekutuar goditjen nga këndi, dhe u dëgjuan thirrjet raciste.
“Pasi kemi bërë hetimet e menjëhershme për fyerjet raciste drejtuar Salah, West Ham konfirmon se provat i janë dorëzuar policisë” thuhet në deklaratën e skuadrës, transmeton lajmi.net.
Edhe trajneri i West Ham, Manuel Pellegrini ka bërë thirrje që secili tifoz që shpallet i fajshëm për racizëm, t’i ndalohet paraqitja në tribunat e Premierligës. /Lajmi.net/