Arsenali spekulohet se do të rikthejë sulmuesin Robin van Persie në klub gjatë afatit kalimtar të verës.

Golgeteri holandez inspiroi Manchester Unitedin drejt titullit të kampionit në Premierligë në stinorin e tij të parë në Old Trafford, edicionin e shkuar, pasi Arsene Wenger vendosi ta shiste tek skuadra rivale, në transferim me vlerë prej 24 milionë funtesh, më 2012.

Mirëpo, Sipas Daily Mail, Wenger është i interesuar për rikthimin e Van Persiet në Emirates pasi edhe vetë futbollisti nuk e ka përjashtuar mundësinë e lëvizjes prapa.

Tashmë një kohë të gjatë raportohet se 30-vjeçari është i pakënaqur në Old Trafford këtë sezon, dhe nuk ka marrëdhënie të mira me menaxherin e ri David Moyes.

Dhe, thuhet se strategu skocez mund të vendos për shitjen e holandezit gjatë verës përderisa Wayne Rooney e konfirmon të ardhmen e tij në klub.

Wengerit zakonisht nuk i pëlqejnë rikthimet e futbollistëve në moshë por do të bënte një përjashtim tek Van Persie i cili mund të kushtojë vetëm 15 milionë funte.