Vajza që u shtir se është e vdekur, tregon çfarë ngjau në Bataclan
Një vajzë nga Afrika Jugore, e cila po merrte pjesë në koncertin në teatrin Bataclan, shpëtoi vetëm pse u shtir se është e vdekur.
Bota
Në një postim në Facebook, ajo ka treguar se çfarë ndodhi të premten mbrëma, transmeton lajmi.net.
Bashkangjitur me postimin e saj, ajo ka postuar edhe fustanin që kishte veshur atë natë, i cili është i mbuluar me gjak.
“Asnjëherë nuk e dini se çfarë mund të ndodhë. Ishte e premte dhe po merrja pjesë në një koncert. Atmosfera ishte e mirë dhe të gjithë ishin të lumtur, po kërcenim dhe qeshnim. Dhe më pas një person me armë hyri dhe filloi të shtinte. Ne fillimisht besuam se kjo ishte pjesë e shfaqjes. Nuk ishte thjeshtë një sulm terrorist, ishte një masakër. Dhjetëra njerëz para meje u qëlluan për vdekje. E gjithë toka u mbush me gjak”, thotë Isobel Boëdery, 22 vjeçare.
“E shokuar dhe e vetme, u shtira sikur jam e vdekur dhe qëndrova e shtrirë për rreth një orë, e shtrirë pranë njerëzve të cilët mund të shihnin më të dashurit e tyre, që kishin vdekur”.
“Duke mbajtur frymën, u mundova që të mos qaj, në mënyrë që të mos i jepja arsye sulmuesit të dyshonte. Isha jashtëzakonisht me fat që shpëtova”.
Isobel në postimin e saj gjithashtu falënderon shumë persona që ajo nuk i njihte të cilët e ndihmuan atë natë.
“Prehuni në paqe engjëj. Asnjëherë nuk do të harroheni”, shkruan në fund ajo./lajmi.net