Ushtria ukrainase dëmtoi një kishë ortodokse në Lluhansk
Ushtria ukrainase ka hedhur granata dhe e ka shkatërruar kishën ortodokse në qendër të qytetit Lluhansk, në lindjen të Ukrainës, thanë pjesëtarë të forcave separatiste, të cilët e mbajnë ende nën okupim këtë qytet.
Bota
Kisha nuk është shkatërruar në tërësi, por muret e saj janë dëmtuar seriozisht, shtuan ata për agjencinë ruse të lajmeve Itar-Tass.
Sipas fjalëve të separatistëve, kjo është bërë me qëllim apsi që në diametër prej disa kilometrave nga kisha nuk ka pasur pozicione të tyre.
Sot më herët, agjencia franceze e lajmeve AFP njoftoi se në luftimet e ashpra të forcave të sigurisë së Ukrainës dhe separatistëve pro-rusë janë vrarë 18 ushtarë gjatë 24 orëve të fundit, deklaroi zëdhënësi i ushtrisë ukrainase.
“Gjatë 24 orëve të fundit 18 ushtarë janë vrarë dhe 54 janë plagosur”, deklaroi Andrij Lisenko për AFP.
Forcat ukrainase natën e shkuar për herë të parë kanë bombarduar pozicionet e separatistëve pro-rusë në Donjeck, qytetin më të madh në lindje të Ukrainës, por nuk ka pasur viktima në njerëz, njoftuan të mërkurën autoritet e këtij qyteti.