I quajtur ‘Tittygram’, shërbimi lejon që të shkruani mesazh deri në 36 karaktere. Mesazhii do të shkruhet në gjoksin e ndonjë mashkulli apo femre, raporton lajmi.net.

Shembuj të mesazheve të reklamuara nga kompania janë si ato: “urime ditëlindja”, “nga Rusia me dashuri”, “u shërofsh më shpejtë”, etj.

Ky shërbim kushton rreth 30 euro dhe të lejon të zgjedhësh gjokset që dëshiron – qofshin ato të një mashkulli apo të një femre.

Megjithatë, rregull strikt i kompanisë është që thithkat të mos shfaqen kurrë.

Vladimir Gritsenko, bashkë-themelues i Tittygram, ka thënë se sekreti i projekteve të suksesshme është i thjeshtë, ideja duhet të jetë qesharake, prandaj edhe janë përqendruar të bëjnë diçka që pëlqehet më së shumti, transmeton lajmi.net.

“Në fillim personalisht kam kërkuar për vajza të reja të cilat dëshirojnë të jenë pjesë e projektit tonë, por tani shumë femra na shkruajnë edhe na dërgojnë fotografi për t’i marrë në konsideratë”, ka shtuar ai.

Sa i përket akuzave të seksizmit, ai ka thënë se askush nuk është i detyruar ta bëjë këtë gjë, mirëpo të gjithë pjesëmarrësit e projektit e kanë bërë këtë për para dhe ka qenë e rrezikshme, kjo është mënyrë shumë më e lehtë.

/lajmi.net