United shënjestron Callejonin
Jose Maria Callejon është bërë objektiv i Manchester Unitedit për sezonin e ardhshëm. Sulmuesi spanjoll po tregon formë të shkëlqyeshme me Napolin, por mund t’i bashkohet gjigantit anglez në verë.
Sport
Manchester United është në kërkim të një sulmuesi, të cilin do të mundohet ta gjejë gjatë verës.
Sipas Football Direct News, Jose Maria Callejon është objektivi kryesor i ‘Djajve të Kuq’ për sezonin e ardhshëm.
Futbollisti spanjoll po shfaq formë të shkëlqyeshme tek Napoli, pasi ishte një rezervist i rregullt në Real Madrid në sezonet e fundit.
Mirëpo, skuadra nga San Paolo vështirë se mund të heq dorë nga futbollisti i krahut spanjoll, Callejon, pas vetëm një sezoni.
Së bashku me Gonzalo Higuain, ai e përbën një sulm të shkëlqyer tek ekipi i Rafael Benitezit.
Në anën tjetër, gjiganti anglez dëshiron ta ketë në dizpozicion një sulmues të tretë cilësor, përpos Wayne Rooneyt e Robin van Persiet.
E ardhmja e Danny Welbeck e Javier Hernandez në Old Trafford është vënë në dyshim.