UEFA cakton stadiumin mikpritës për finalen e Ligës së Kampionëve në vitin 2020
Stadiumi olimpik “Ataturk” në qytetin e Stambollit do të jetë nikoqir i finales së Ligës së Kampionëve për vitin 2020.
Sport
UEFA pas një takimi të mbajtur në Kiev të Ukrainës, ka përcaktuar dy stadiumet mikpritëse për finalet e Ligës së Kampionëve dhe të Ligës së Evropës për vitin 2020.
Shtëpia më e madhe e futbollit ka përzgjedhur stadiumin ‘Ataturk’ në Stamboll për të organizuar finalen e vitit 2020. Kjo arenë shumë e bukur e futbollit ka kapacitet prej 92 mijë ulëseve, ndërsa është rindërtuar në vitin e kaluar.
Në anën tjetër, finalja e Ligës së Evropës në vitin 2020 do të luhet në Poloni, në stadiumin e qytetit Gdanski, që ka kapacitetet prej 43 mijë ulëseve./Lajmi.net/