Lajmi bëhet i ditur nga grupi i eksportuesve turq.

“Kërkesat nga Rusia për produktet turke janë rritur ndjeshëm, pas shpalljes së kufizimeve tregtare me SHBA-BE”, tha kreu i asamblesë së eksportuesve turq, Mehmet Buyukeksi për agjencinë e lajmeve “Reuters”.

“Ne presim që një delegacion rus të vizitojë Turqinë javën e ardhshme lidhur me këtë problematikë”, tha ai.

Javën e kaluar Moska ndaloi importimin e shumicës së produkteve ushqimore dhe bujqësore nga Perëndimi, në shenjë hakmarrjeje ndaj sanksioneve të vendosura të Perëndimit ndaj saj.

Buyukeksi tha se pret një rritje domethënëse të eksporteve të mishit të shpendëve dhe prodhimeve të detit, dhe se Turqia do të përmbushë të gjitha kërkesat në rritje për fruta dhe perime.