Turqi, 18 minatorë të zhdukur
Tetëmbëdhjetë minatorë konsiderohen të zhdukur të martën në minierën e thëngjillit në Turqi pas depërtimit të befasishëm të ujit në galeri.
Bota
Fatkeqësia ndodhi herët pasdite në minierën Erkemek, në provincën Karama, afro 500 kilometra në jug të kryeqytetit Ankara. “Dyzet punëtorë gjendeshin në minierë kur galeria ku punonin ata u vërshua nga uji”, deklaroi guvernatori lokal Murak Koca, citon agjencia turke e lajmeve Anatolya.
Gjysma e minatorëve arritën të dalin shpejt në sipërfaqe, por zyrtari i firmës Has Sekerler, e cila eksploator minierën nuk fshehu pesimizmin për fatin e atyre që kanë mbetur në fund të galerisë së përmbytur në 300 metra thellësi.
“Mendojmë që kanë mbetur 18 minatorë në atë galeri”, tha Sahin Uyar për CNN-in turk, duke shtuar se “ata mund të qëndrojnë në situatë të tillë maksimalisht dy orë”.
Ekipet e shpëtimit kanë arritur shumë shpejt në vendin e ngjarjes dhe po bëjnë përpjekje për nxjerrjen e minatorëve të ngujuar.
Asnjëri zyrtar nuk dha detaje për shkaqet e vërshimit dhe përmbytjes së minierës.
Turqia është vendi i tretë në botë për nga shkalla e vdekjes në vendet e punës, sipas Organizatës Ndërkombëtare të Punës.