Trump thotë se Rusia duhet të rikthehet në G7 – Lajmi.net
Trump thotë se Rusia duhet të rikthehet në G7
Autori: Lajmi.net BotaLajme 19:08, 8 June 2018
Presidenti i Shteteve të Bashkuara, Donald Trump, tha se G7-ta, apo grupi i vendeve më të industrializuara, "duhet ta lejojë Rusinë të kthehet në këtë grup elitar", katër vjet pas përjashtimit të saj, për shkak të aneksimit të gadishullit ukrainas të Krimesë.

Ai i bëri këto komente përpara nisjes së samitit treditor të G7-ës në Kanada.

“Ne takohemi pa Rusinë. Ata duhet ta lejojnë Rusinë, sepse duhet ta kemi atë në tryezën negociuese”, tha Trump.

Zëdhënësi i Kremlinit, Dmitry Peskov, u përgjigj, duke thënë se Rusia “po e përqendron vëmendjen e saj në formate të tjera, jashtë G7-ës”.

Kanadaja tha se kundërshtimi i saj për ripranimin e Rusisë “nuk ka ndryshuar”, ndërsa një zëdhënës i Qeverisë italiane tha se Roma pajtohet me Trumpin se Rusia duhet të jetë në grup.

G7-ta përbëhet nga Kanadaja, Shtetet e Bashkuara, Franca, Gjermania, Italia, Japonia dhe Britania.

Fotolajm

Rita, Dua dhe Era.
?>

ke nje LAJM

Jeni në vend të ngjarjes, apo dëshironi ta ndani ndonjë storie me të tjerët?

Klikoni në butonin më poshtë

DËRGO