Aventura e Alexis Sanchez te Manchester United mund të zgjasë vetëm 12 muaj.

El Chiringuito raporton se sulmuesi kilian i është vetë ofruar skuadrës së Real Madridit, për t’iu bashkuar gjatë afatit kalimtar të janarit, përcjell ‘lajmi.net’.

Sanchez te Manchester United është larg formës së tij të dikurshme, dhe po vlerëson të gjitha mundësitë për t’u larguar sa më parë, duke mos mundur të përshtatet nën urdhrat e Jose Mourinhos.

Për t’u vlerësuar dëshira e Sanchez, Real Madrid do të presë deri në emërimin përfundimtar të trajnerit të ri, që do të zëvendësojë të shkarkuarin Julen Lopetegui.

31 vjeçari që në karrierën e tij ka veshur edhe fanellën e Udineses, Barcelonës dhe Arsenalit, këtë sezon në Premierligë ka shënuar vetëm një gol, duke regjistruar edhe dy asistime./Lajmi.net/