Treni i Kralevës hyn në Mitrovicë pa leje të autoriteteve të Kosovës (Video)
Treni që u nis nga Beogradi drejt veriut të Mitrovicës nuk ishte as i pari e as i fundit që mori rrugë drejt Kosovës nga shteti serb. Edhe para të shtunës por edhe dy ditëve të fundit, dy herë në ditë, një tren lëvizë nga Kraleva e Serbisë për në Mitrovicën e Veriut, njofton Klan Kosova.
Lajme
Linja e rregullt Kralevë -Veri i Mitrovicës funksionon që nga 25 tetori i vitit 2013 kur është hapur stacioni hekurudhor në veri.
Që atëherë treni i kompanisë ‘Serbia Voz’ lëvizë rregullisht dy herë në ditë në dy drejtime në bazë të një orari të vendosur nga hekurudhat e Serbisë.
Kjo po ndodh madje pa lejen e autoriteteve kosovare. Këto të fundit nuk kanë shumë informata zyrtare për operimin e kësaj linje.
Kontrollin përtej Ibrit nuk e ka Autoriteti i thirrur për sigurimin e sektorit hekurudhor pasi kompania serbe nuk përfill rregullat e këtij institucioni me zyrë në Prishtinë.
Kjo pritet të zgjidhet në bisedimet me palën serbe në Bruksel.