Tregu i pistë në Durrës, mishi e bulmeti shiten në tokë /VIDEO

Qumësht, gjizë, vezë, fruta e perime që tregtohen në kushte higjienike të papërshtatshme, mes pluhurit dhe tymit të automjeteve rrezikojnë konsumatorin durrsak.

Lajme

30/08/2018 15:54

Përreth tregut të fruta-perimeve në Durrës ka ende ambulantë që i tregtojnë produktet ushqimore në tokë.

Ka dhe konsumatorë që mendojnë se tregtaret janë të detyruar të tregtojnë në rrugë për bukën e gojës, ndërsa pasiguria mbi ushqimet sipas tyre është kudo, dhe në dyqane e markete.

Informacionet e shpërndara nga AKU për bllokimin e sasive të mishit me prani salmonele, apo të produkteve të prodhuara e tregtuara jashtë standardit e afatit të skadencës, i bëjnë qytetarët edhe më dyshues mbi cilësinë e ushqimeve në treg dhe rolin e agjencive ligj-zbatuese, të cilat duhet ta kryejnë në mënyrë të vazhdueshme detyrën e tyre dhe jo mbi bazën e aksioneve sezonale.

YouTube player