lajmi.net

Tre të vrarë për më pak se një muaj në Suharekë

Ndonëse është një komunë mjaft e vogël nga numri i banorëve, Suhareka ka sjell brenda një muaji 3 vrasje, një prej tyre aksidentale.

Lajme

14/04/2018 17:38

Sot, një 14 vjeçar mori plumbin aksidental por që i mori jetën.

Ngjarja ndodhi në Mushtisht, fshat i njohur i Suharekës, ku sipas Policisë ndodhi vrasja aksidentale, më ç’rast xhaxhait teksa festonte me armë iu bllokua revolja dhe plumbi mori nipin e tij.

E veç 4 ditë më herët, Suhareka ishte tronditur edhe me një ngjarje morti.

Një 17 vjeçar kishte vdekur nga plagët e marra me thikë pas një përleshjeje në stacionin e autobusëve në këtë komunë.

Viktima doli të jetë nip i të parit të Suharekës, i cili u shpreh i tronditur nga ngjarja.

Përveç dhimbjes së humbjes së të riut, mediat kanë raportuar se familja tjetër është mbyllur në shtëpi.

Ndërkohë, edhe më 27 mars nga Suhareka erdhën lajme zie.

Një burrë ishte plagosur dhe dërguar në spital për trajtim, ku edhe kishte ndërruar jetë nga plagët e marra.

Këto vrasje të shpeshta që ndodhën bren 19 ditësh tronditën komunën e Suharekës, qytetarët e të cilës u shprehën të shqetësuar për situatën e sigurisë në këtë qytet.

Lexoni edhe:

Mësohet identiteti i të miturit që u vra aksidentalisht në Mushtisht, dje e kishte ditëlindjen

LM