Trajtimi i plagëve të marra nga lufta, ia pamundësoi Saranda Bogujevcit të votojë për Ushtrinë

Deputetja e Lëvizjes Vetëvendosje, Saranda Bogujevci, nuk ka mundur të jetë prezent për të votuar transformimin e Forcave të Sigurisë të Kosovës në Kuvendin e Kosovës pasi është duke u trajtuar nga plagët e marra gjatë luftës së fundit në Kosovë.

Lajme

14/12/2018 14:40

Dejona Mihali, koordinatore e komiteteve nga Lëvizja Vetëvendosje, përmes një sqarimi në rrjetin social Facebook, ka njoftuar se deputetja po trajtohet nga lëndimet e plumbave të marrë më 28 mars 1999 nga militarët e Millosheviçit në trupin e saj.

“’Akrepat’ vranë 14 anëtarë të familjes, ndërsa 5 fëmijët që mbijetuan pësuan lëndime të rënda. Viktima më e re ishte vetëm 2 vjeç dhe më e moshuara ishte 69 vjeç”, ka shkruar në Facebook. /Lajmi.net/