Në magazinën zgjedhore të zhvilluar në RTK, të gjithë kandidatët kanë shprehur vizionin e tyre për Prizrenin por megjithatë një pjesë e madhe e diskutimeve është përqendruar në të kaluarën dhe me akuza e kundër akuza.

Megjithatë, ka pasur edhe momente ironie veçmas nga ana e kandidatit të PDK-së, Shaqir Totaj në drejtim të kundër kandidatëve të tij të cilët pothuajse gjatë tërë debatit kanë akuzuar qeverisjen e kaluar të PDK-së se ka dështuar me Prizrenin në të gjitha drejtimet.

Zafir Berisha i NISMA-së i cili u ankua se Prizreni është qyteti më i pasigurt në Kosovë ka nxitur menjëherë reagimin ironik të kandidatit të PDK-së, Totaj i cili ka thënë se “Zafir Berisha i cili ka dhënë një kontribut të madh gjatë kohës së luftës është paksa e habitshme se si ndihet njeriu më i pasigurt në Prizren”.