Tortë snickers
Një tortë e ngjashme me çokollatën Snickers.
Lifestyle
Përbërësit:
- 8 të bardha të vezës
- 8 lugë sheqer
- 4 lugë miell
- 250 gr kikirikë të bluar
- ½ pluhur paste
- 200 gr çokollatë e qumështit + 2 lugë vaj
Kremi karamel:
- 12 lugë sheqer
- 8 të verdha të vezës
- 250 gr margarinë
- 200 gr kikirikë të imtësuar
- 200 gr çokollatë e zezë + 2 lugë vaj
Përgatitja:
Tunden të bardhat e vezës me sheqer derisa të shkrihet sheqeri.
Pastaj shtohet mielli me pluhurin e pastës dhe kikirikët e bluar dhe piqet në kallëp 20×30 dhe piqet në temperaturë 170 gradë për 30 minuta.
Petës së pjekur dhe të ftohur ia qesim çokollatën e bardhë të shkrirë me 2 lugë vaj dhe e lëmë prapë të ftohet.
Pastaj për karamel qesim 8 lugë sheqer në një enë derisa të merr ngjyrë të kuqërremtë dhe pastaj shtojmë margarinën. 4 lugë sheqer që na kanë mbetur i përziejmë me të verdhat e vezës derisa të shkrihet sheqeri dhe këtë masë me të verdhat e qesim në sheqerin e karamelizuar dhe e përziejmë edhe për 2 minuta në temperaturë më të ulët.
Pastaj shtojmë kikirikët dhe këtë masë pasi e përziejmë mirë e qesim mbi petën që e kemi ftohur me çokollate të bardhë (të qumështit) dhe përmbi këtë krem qesim çokollatën e shkrirë të zezë , pra pasi të ftohet pak shtresa me krem karamel , e qesim çokollatën e zezë dhe e lëmë të ftohët. /kuzhinashqiptare