Përbërësit për Tortë me banane e kakao
- 3 banane + 14/15 feta banane për pjesën sipër
- 150 gr miell
- 50 gr kakao pluhur
- 150 gr sheqer
- 125 gr gr gjalpë
- 3 vezë
- 1 pako maja për ëmbëlsira
- pak vanilje pluhur
- lëngu i 1/2 limoni
- 1 lugë sheqer panxhar sheqeri
Përgatitja e Tortë me banane
Si fillim sitim miellin dhe e përziejmë me majanë, kakaon dhe vaniljen.
Në një enë shtypim bananet derisa të arrijmë një masë si pure, i hedhim sipër pak lëng limoni dhe i përziejmë.
Në një enë qelqi rrahim gjalpin e zbutur me sheqerin dhe shtojmë një e nga një vezët duke e rrahur vazhdimisht masën.
Në fund shtojmë edhe masën me miellin e kakaon dhe i trazojmë me kujdes së bashku derisa të arrijmë një masë homogjene.
Lyejmë me pak gjalpë e miell tavën dhe hedhim në të masën e përgatitur. Sipër i vendosim fetat e bananes dhe sipër tyre pak sheqer panxharsheqeri.
Vendosim ëmbëlsirën të piqet në furrë të nxehtë 180°C përreth 45 minuta.
Më pas nxjerrim ëmbëlsirën dhe e lemë të ftohet.Torta me banane është gati, e presim në feta dhe e shërbejmë.
Ju bëftë mirë!
