Topi i Artë e pasuron me 800 mijë euro Luka Modricin
Luka Modric më 3 dhjetor (e hënë) i ka dhënë fund dominimit të Lionel Messit dhe Cristiano Ronaldos në futboll, duke e fituar për herë të parë Topin e Artë, i cili konsiderohet si trofeu më i rëndësishëm individual në sportin më të dashur në botë.
Sport
Fitimi i Topit të Artë e ka pasuruar edhe më 800 mijë euro mesfushorin e Real Madridit.
Ky shpërblim vjen në sajë të një marrëveshje personale që ka Modric me kompaninë e veshmbathjeve Nike.
Sipas raportimeve të medieve, ka një klauzolë në marrëveshjen mes Nike dhe Modric, që ky i fundit fiton 800 mijë euro nëse fiton Topin e Artë, gjë të cilën e ka bërë./Lajmi.net/