Viti 2013 është në përfundim, andaj ka ardhur koha të shpallen futbollistët më të dalluar në kategori të ndryshme.

Kompania Opta që merret me statistika, ka publikuar renditjen e pesë futbollistëve që bënë më së shumti asistime gjatë vitit kalendarik.

Dhe, në krye gjendet mesfushori i Arsenalit, Mesut Ozil me gjithsejtë 21 asistime në La Ligë (ku luajti për gjysmën e parë të vitit para transferimit në Emirates), Premierligë dhe Ligën e Kampionëve.

Pas tij renditet mesfushori i Real Betisit, Ruben Casto me 17 asistime. Sulmuesi i Real Madridit, Karim Benzema është kritikuar nga tifozët e gjigantit spanjoll për numrin e golave të realizuar por ai bie në sy me kontributin e tij me asistime, 16, aq sa ka edhe ylli i Manchester Unitedit, Wayne Rooney.

Kurse, i pesti është mesfushori i Bayern Munichut, Franck Ribery me 15.

Ozil mund ta shtojë kryesimin nëse bënë ndonjë asistim në ballafaqimin e ardhshëm të Arsenalit kundër Newcastles të dielën.