“Toka do të shkatërrohet pas disa javësh” – Lajmi.net
“Toka do të shkatërrohet pas disa javësh”
Autori: Lajmi.net FunKuriozitete 23:19, 8 August 2017
Bota do të marrë fund dhe planeti Tokë do të shkatërrohet pas disa javësh, sipas një teorie më të fundit të konspiracionit.

David Meade ka paralajmëruar së fundmi se planeti misterioz “Nibiru” do të përplaset me planetin Tokë. Sipas tij, eklipset diellore të këtij muaji do të sinjalizojnë për përplasjen me Tokën të planetit Nibiru, që asnjëherë nuk është vërejtur nga shkencëtarët.

Për të mbështetur pretendimet e tij të pazakonta, David Meade ka përdorur disa pasazhe nga Bibla. “Nibiru”, i quajtur edhe Planeti X, është parashikuar disa herë që do të shkatërrojë Tokën, ekzaktësisht që nga viti 2003. Më parë gjatë këtij viti, Meade kishte thënë se Nibiru do të përplasej me Tokën në muajin tetor. Sipas tij, gjatë javës së tretë të gushtit, do të ndodhë një eklips dhe pas tij do të shfaqet në horizont planeti i madh “Nibiru” e do të përplaset me Tokën duke shfarosur njerëzimin.

“Eklipsi i madh amerikan më 21 gusht është një shenjë paralajmëruese”, thotë David Meade për ‘Daily Star’.

Duke u bazuar në teorinë e tij të konspiracionit, planeti Nibiru i padëgjuar edhe nga shkencëtarët, do të shfaqet në qiell më 23 shtator para përplasjes me planetin tonë. /Lajmi.net/

 

Fjalët kyçe: planeti, shkatërrimi

Fotolajm

Pandat gjigante mbushin 1 vjeç në Makao
?>

ke nje LAJM

Jeni në vend të ngjarjes, apo dëshironi ta ndani ndonjë storie me të tjerët?

Klikoni në butonin më poshtë

DËRGO
 

Lojëra

  • Play Pro Kicker Frenzy
  • Play Turbo Racing 3
  • Play Berry Rush
  • Play iStunt 2