Tiranë, eksploziv automjetit; plagoset rëndë drejtuesi
Një automjet ka shpërthyer mëngjesin e kësaj të marte në Tiranë, në Rrugën e Qelqit të lagjes Kombinat.
Lajme
Burime policore zyrtare bëjnë të ditur se shpërthimi dyshohet të jetë shkaktuar nga një sasi eksplozivi.
Nga shpërthimi, nënvizojnë burimet, ka mbetur i plagosur rëndë në këmbë drejtuesi i automjetit, shtetasi me iniciale E.I, 34 vjeç.
Agjentë të antikrimit dhe të policisë shkencore kanë mbërritur në vendin e ngjarjes dhe kanë nisur hetimet për zbardhjen e incidentit.
Automjeti është i llojit “Volkswagen” me targë “AA 880 BX”, saktësojnë burimet, të cilat shtojnë se, objekti shpërtheu në ecje e sipër./ Top Channel