Tirana bie nga elita, shikoni çfarë thotë gruaja 97-vjeçare e themeluesit të klubit (VIDEO)

Nezihat Stermasi, bashkëshortja e Selman Stërmasit, edhe pse sot është 97 vjeçe, e të njëjtës ditëlindje me Sport Klub Tiranën, tregon se shtëpia e tyre ishte selia e parë nga ku drejtohej klubi bardheblu.

Sport

29/05/2017 12:05

“Këtu vinin të gjithë lojtarët e Vllaznisë, Korçës, Vlonës. Unë gatuaja për 10-20 veta, që i sillte Stërmasi, se kjo dhomë ishte si han. Flinin, hanin dhe më pas të nesërmen shkonin për të luajtur”, është shprehur ajo, citon Top Channel.

Ekipi i Tiranës ka qenë gjithçka për familjen Stërmasi, deri kur politika e hoqi Selmanin nga drejtimi dhe shkak ishte ndryshimi i emrit nga Sport Klub Tirana, në 17-Nëntori, një emër i papranueshëm për të.

“E gjeta në shtëpi, qante si fëmijë e thoshte, çfarë bëra, përse me hoqën”, kujton bashkëshortja e Selman Stërmasit.

Pyetjes nëse “Selmani të donte më shumë ty apo Tironën?”, Nezihati i përgjigjet: “Tironën…Tironën…”.

YouTube player