Thaçi takon Dacin: Në dialog do të shtrohet kërkesa e Luginës për t’iu bashkuar Kosovës
Presidenti i Kosovës, Hashim Thaçi ka takuar sot kryetarin e Akademisë së Shkencave dhe të Arteve të Kosovës, Nexhat Daci.
Lajme
Thaçi përmes një postimi në Facebook, ka thënë se në këtë takim është folur edhe për dialogun më Serbinë.
Ai ka thënë se më ish-kryetarin e Kuvendit, janë pajtuar që pjesë e dialogut të jetë institucionet, partitë politike parlamentare, opozita, shoqëria civile, Akademia etj
“Sot zhvillova një takim të shkëlqyeshëm me kryetarin e Akademisë së Shkencave dhe të Arteve të Kosovës, Nexhat Daci. Biseduam për zhvillimet aktuale nëpër të cilat po kalon Kosova. Kryeakademikun Daci e informova për ecurinë e dialogut ndërmjet Kosovës dhe Serbisë. Ishte konstatim i përbashkët se në këtë proces të gjithë duhet të marrim përgjegjësi : institucionet, partitë politike parlamentare, opozita, shoqëria civile, Akademia etj”.
“Vetëm të bashkuar mund t’i realizojmë objektivat tona: njohjen reciproke Kosovë Serbi, ulësen në OKB si dhe anëtarësimin në të gjitha organizatat tjera ndërkombëtare. Pretendimi i Serbisë për ndarje të Kosovës gjithmonë do të jetë i papranueshëm, por në kuadër të korrigjimit të kufijve duhet të shtrohet,në procesin e dialogut, tanimë kërkesa dhe e drejta e Luginës së Preshevës për t’iu bashkuar Kosovës”, ka shkruar Thaçi./Lajmi.net/