Thaçi takoi Presidentin e Gajanës, i kërkon ndihmë për njohje të reja
Presidenti i Republikës së Kosovës, Hashim Thaçi, ka takuar mbrëmë Presidentin e Gajanës, David Arthur Granger.
Lajme
Ai tha se mirëpresim emërimin e Ambasadorit të Kosovës të parë Jo-Rezident në Gajana, thuhet në njoftimin presidencial.
Homologët shprehën interesimin në rritjen e bashkëpunimit ekonomik, duke përfshirë edhe fushën e minierave, dhe të shkëmbimeve tregtare mes dy shteteve, transmeton lajmi.net.
I pari i vendit theksoi se mbështetja e Gajanës për anëtarësimin e Kosovës në organizatat ndërkombëtare është shumë e rëndësishme.
Presidenti Thaçi tha se Gajana mund ta mbështesë Kosovën për t’i bindur shtetet e CARICOM-it që nuk e kanë njohur Kosovën ta pranojnë pavarësinë e saj.
Të dy krerët shtetërorë diskutuan edhe për mundësitë për bashkëpunimin mes dy vendeve në programe të ndryshme arsimore dhe në shkëmbimin e studentëve. /Lajmi.net/