Thaçi pas takimit me Erdoganin thotë se ai është mbështetës i fuqishëm i Kosovës
Presidenti i Kosovës, Hashim Thaçi, ka takuar sot në Paris presidentin turk, Rexhep Tayyip Erdogan.
Lajme
Presidenti i Kosovës, Hashim Thaçi, gjatë ditës së sotme në Paris ka takuar edhe presidentin e Turqisë, Rexhep Tayyip Erdogan, shkruan lajmi.net.
Përmes një postimi në profilin e tij zyrtar në llogarinë e tij në Twitter, presidenti Thaçi ka bërë të ditur se në këtë takim e ka falënderuar Erdoganin për mbështetjen që Turqia ia jep Kosovës.
“Si gjithmonë, ishte kënaqësi të takoheshim dhe të bisedonim me Presidentin Erdogan. Ai është një mik i vërtetë dhe një mbështetës i fuqishëm i Kosovës dhe i të gjithë Ballkanit Perëndimor. Jemi përgjithmonë mirënjohës ndaj tij dhe për të mbështetur rrugën tonë drejt lirisë, pajtimit dhe integrimit euro-atllantik”, ka shkruar Thaçi në Twitter.
Kujtojmë se gjatë ditës së sotme presidenti Hashim Thaçi është takuar edhe me presidentin amerikan Donald Trump si dhe me kancelaren gjermane, Angela Merkel. /Lajmi.net/