Thaçi falënderon 300 mijë miqtë e Facebookut
Për besimin e fituar, Hashim Thaçi i cili dje është zgjedhur President i Kosovës, me votat e deputetëve të Parlamentit të Kosovës, nëpërmjet llogarisë së tij në Facebook, ka shprehur falënderim ndaj shoqëruesve të tij në këtë rrjet social.
Lajme
Thaçi ka shkruar se ka pranuar mijëra mesazhe në 24 orët e fundit, gjë për të cilën shprehet falënderues.
“Kam pasur nderin të shoqërohem me juve në Facebook tash e dy vjet”, shkruan Thaçi.
“Ju falënderoj shumë juve 300 mijë qytetarëve që më përcjellin në këtë faqe si dhe për dhjetëra mijëra urime që më dërguat në 24 oret e fundit në rrjete sociale”, shkruan ai.
Hashim Thaçi vazhdon të marrë urime për zgjedhjen në postin e presidentit nga shumë qytetarë dhe personalitete të njohura./lajmi.net