Thaçi: E kemi shumicën e madhe por nevojitet edhe përkrahja absolute për anëtarësim (Foto)
Kryediplomati kosovar, Hashim Thaçi thotë se sot ka pasur një ditë të ngjeshur, duke u koordinuar dhe lobuar për anëtarësimin e Kosovës në UNESCO.
Lajme
“U takuam me dhjetëra delegacione nga mbarë bota dhe morëm shumë konfirmime për votim pozitiv në ditën vendimtare të Asamblesë së Përgjithshme të UNESCO-s”, ka shkruar ai.
Thaçi ka falënderuar edhe ish-presidentin Pacolli, i cili është bërë pjesë aktive e fushatës lobuese #KosovoinUNESCO, raporton lajmi.net.
Thaçi foli me nën-Sekretari Blinken i Departamentit të Shtetit i cili sot foli për Kosovën afirmativisht.
“SHBA me mish e me shpirt po ndihmojnë anëtarësimin dhe po kundërshtojnë propagandën anti-kosovare që po politizon anëtarësimin tonë”, thotë Thaçi.
Ai vlerëson se Kosova ka partneritet strategjik me SHBA dhe ky partneritet duhet të ruhet nga i gjithë spektri politik kosovar.
Gjithashtu ai u takua me Sekretarin e Shtetit Harlem Désir në Ministrinë Jashtme Franceze.
Gjithashtu janë takuar me ministrin e Arsimit të Pakistanit, njëherësh edhe shef i delegacionit të Pakistanit.
Pastaj me përfaqësuesin e Malit të Zi, dhe me përfaqësues të Organizatës së Konferencës Islamike.
“Do të jetë vështirë. E kemi shumicën e madhe por nevojitet edhe përkrahja absolute për anëtarësim”, shkruan Thaçi. / lajmi.net