Terroristët ‘kidnapojnë’ Messin, kërcënojnë Botërorin 2018 – Lajmi.net
Terroristët ‘kidnapojnë’ Messin, kërcënojnë Botërorin 2018
Autori: Lajmi.net Botërori FIFA 2018Sport 14:55, 5 May 2018
Hijet e kërcënimeve nga Shteti Islamik rëndojnë ende mbi Botërorin e futbollit që do të nisë më 14 qershor në Rusi.

Organizata terroriste islamike ka aktivizuar edhe zyrtarisht rrjetin e saj propagandistik në prag të turneut më të rëndësishëm të futbollit në planet.

“Vritini të gjithë” është mesazhi i frikshëm që shoqëronte një poster të publikuar nga “SITE”, shoqata që monitoron aktivitetin “online” të terroristëve islamikë, me një thikë që duket se ndan në mes trofeun e Kupës së Botës.

Posteri është i fundit i një serie të gjatë kërcënimesh, që Shteti Islamik ka publikuar me kohë, edhe në lidhje me futbollin.

Në prill ishte një paralajmërim për Putinin, ku thuhej “do të paguash për vrasjen e myslimanëve”, në një postër që shfaqte një xhihadist me kallashnikov në duar.

Në mars, terroristët kërcënuan Lionel Messin, të veshur me portokalli, si personat e ekzekutuar në videot e propagandës së tyre, të gjunjëzuar dhe pranë një xhihadisti të gatshëm për ta vrarë, transmeton “Top Channel”.

Në muajt në vijim do të shfaqeshin postera të tjerë me futbollistë të gjakosur.

Motivi i kësaj urrejtjeje nga ana e ISIS në lidhje me Rusinë vjen nga fakti që presidenti Putin ka mbështetur regjimin sirian të Bashar al-Assadit.

19

screenshot_5-5

screenshot_6-5

screenshot_7-5

Fjalët kyçe: Lionel Messi

Fotolajm

“Kulturë boksi” përpara Ministrisë së Kulturës në Prishtinë /FOTO
Foto, aparati për matjen e fuqisë së goditjes përpara Ministrisë së Kulturës në Prishtinë /lajmi.net ?>

ke nje LAJM

Jeni në vend të ngjarjes, apo dëshironi ta ndani ndonjë storie me të tjerët?

Klikoni në butonin më poshtë

DËRGO
 

Lojëra

  • Play Urban Basketball
  • Play 8 Ball Pool
  • Play Stealth Sniper
  • Play Rock Wheels