Telegramet e ngushëllimit për ndarjen nga jeta të presidentit Fadil Vokrri – Lajmi.net
Telegramet e ngushëllimit për ndarjen nga jeta të presidentit Fadil Vokrri
Autori: Lajmi.net Lajme futbolliSport 19:15, 11 June 2018
Institucione të mëdha sportive kanë ngushëlluar Federatën e Futbollit të Kosovës me rastin e vdekjes së presidentit Fadil Vokrri.

Vokrri ndërroi jetë ditën e shtune pas një sulmi në zemër në moshën 58 vjeçare.

Ai u varros dje me nderim të larta shtetërore.

FFK në faqen zyrtare ka publikuar telegramet ngushëlluese që ka pranuar nga institucionet sportive, përfshirë FIFA-n dhe UEFA-n.

Disa nga telegramet i gjeni në pjesën e mëposhtme./Lajmi.net/

Telegrami i ngushëllimit i presidentit të FIFA-s, Gianni Infantino

Presidenti i FIFA-s, Gianni Infantino është shprehur i pikëlluar për vdekjen e presidentit Fadil Vokrri.
“Mora me pikëllim këtë lajm, në emër timin dhe të komunitetit të futbollit mbarëbotëror shpreh ngushëllimet më të thella për familjen e Fadil Vokrrit. Ai ka qenë një pionier në shumë mënyra dhe ka arritur një karrierë të madhe ndërkombëtare, duke luajtur në klube të e liga të ndryshme të nivelit të lartë, në një kohë kur nuk ishte aq e zakonshme sa sot. Hodhi themelet për anëtarësimin e Kosovës në FIFA. Kjo ka kërkuar energji të jashtëzakonshme, besim, forcë dhe bindje. Fadili i kishte të gjitha, ai ishte njeri shembull i entuziazmit, energjisë dhe një udhëheqës i madh. Jam krenar që e kam njohur dhe kam punuar me të”, ka shkruar Infantino.

Telegram ngushëllimi i presidentit të UEFA-s, Aleksander Čeferin

Telegram ngushëllimi nga Federata e Futbollit e Anglisë

Telegram ngushëllimi nga Federata e Futbollit e SHBA-së

Telegrami i presidentit të Kosovës, Hashim Thaçi

“Me dhimbje të madhe dhe pikëllim të thellë, i tërë kombi mori lajmin për vdekjen e parakohshme të Fadil Vokrrit, yllit më të ndritur të sportit dhe jo vetēm sportit tonë. Ngushëllime familjes, miqve dhe tifozëve. U prehsh në paqe Kapiten”, ka shkruar presidenti Thaçi.


Telegrami i kryeministrit të Kosovës, Ramush Haradinaj 

“I trishtë lajmi për vdekjen e hershme të legjendës së futbollit të Kosovës, Fadil Vokrrit, i cili tërë jetën e shkriu, që t’i japë emër atdheut të tij, të cilin aq shumë e deshti dhe i qëndroi besnik deri në frymën e fundit. Fadili ishte motivues i madh yni që na dha zemër për të dalë fitues nga të gjitha betejat! Fadili kurdoherë ishte figura qendrore në fushën e blertë duke u sjellë bashkëqytetarëve buzëqeshje e gëzim edhe në kohërat më të rënda, kur pesha e dhunës peshonte mbi ta. Ai u bë frymëzim për shumë breza sportistësh të Kosovës dhe ikonë e futbollit, jo vetëm në Kosovë, që nga vitet ’80, duke e fituar betejën e fundit, anëtarësimin e Kosovës në UEFA dhe FIFA. Dritë të pastë shpirti, Fadil! Ngushëllime familjes Vokrri, FFK-së dhe të gjithë sportistëve. Ngushëllime Kosovë!” ka shkruar kryeministri Haradinaj.

Telegrami i kryeparlamentarit, Kadri Veseli

“Përjetësisht Legjendë. Përjetësisht falënderues e mirënjohës ndaj veprave dhe sjelljes Tuaj. Sot futbolli ynë, sporti ynë dhe Kosova ka humbur shumë. Do të na mungosh Legjendë!”

Telegram ngushëllimi i presidentit të Shqipërisë, Ilir Meta

Ndarja e parakohshme nga jeta e legjendës së futbollit të Kosovës, Fadil Vokrri, është një lajm shokues për të gjithë shqiptarët që e kanë ndjekur e adhuruar shkëlqimin e talentit të tij si sulmues e golashënues i Prishtinës, por edhe ekipeve të njohura europiane të Partizanit të Beogradit, Fenerbahçe e madje edhe të përfaqësueses së ish-Jugosllavisë.

Fadil Vokrri me talentin dhe suksesin e tij frymëzoi shumë fëmijë shqiptarë kudo për të ecur në shembullin e tij. Me personalitetin e tij ndërkombëtar ndihmoi integrimin e Kosovës në UEFA dhe FIFA.

Pak ditë më parë pata kënaqesinë të firmosja dhënien e shtetësisë shqiptare për Fadil Vokrrin me kërkesë të F.SH.F për kontributin e tij të veçantë në mbështetje të futbollit tonë e sidomos ekipeve kombëtare. Duke i shprehur ngushëllimet më të sinqerta familjarëve të Fadil Vokrrit, Federatës së Futbollit të Kosovës, mbarë botës shqiptare të futbollit, jam i bindur se personaliteti i jashtëzakonshëm që ai krijoi në fushën e blertë do vazhdojë të frymëzojë gjeneratat më të reja në rrugën e suksesit!

Telegram ngushëllimi i presidentit të FSHF-së, Armand Duka

Telegram ngushëllimi i presidentit dhe drejtorit ekzekutiv të Federatës Kroate, Davor Shuker dhe Damir Vrbanoviq

Telegrami i ish-presidentit të Kroacisë, Stipe Mesic

Cijenjenoj obitelji,

S tugom sam primio vijest da nas je napustio vaš i naš Fadil Vokrri, dragi prijatelj, veliki nogometaš i sportski djelatnik. Njegov doprinos sportu iznimno je veliki. Ostat će trajno u našem sjećanju  i cijeloj sportskoj  javnosti. Izražavam moju duboku sućut cijenjenoj obitelji gospodina Fadil Vokrrija.

Vaš Stjepan Mesić

Telegram ngushëllimi nga Federata e Futbollit e Malit të Zi

Dear Executive Committee members of Football Federation of Kosovo,

On behalf of the Football Association of Montenegro and our personal names, we express our deepest condolences on the sudden death of our dear friend, legendary footballer and president of the Football Federation of Kosovo Fadilj Vokri.
Fadilj was a beloved player among football fans and one of the strikers who the coaches could always rely on and expext to decide the matches. He was a great football name and personality in Kosovo football but also a leader on the field who was always inspiring his team mates to give the best they could. Fadilj was also a footballer who will be remmebered in former Yugoslavia and Balkan region as one of the best of all times.
He was also a leader out of field of play because he chared the Football Federation of Kosovo fo years with the same success as showing skills during hiss playing career.
We kindly ask you to pass our sincere sympathy to Fadilj\’s family for the loss we all suffer of.

Dejan Savicevic, president
Momir Djurdjevac, general secretary

Football Associaation of Montenegro

 

Telegram ngushëllimi nga Federata Turke e Futbollit

“Legjenda e futbollit të Kosovës, Fadil Vokrri ka ndërruar jetë në moshë 57 vjeçare. Si kryetar i Federatës së Futbollit të Kosovës, Fadil Vokrri, një prej emrave legjendarë të futbollit të Kosovës, e ka anëtarësuar vendin në FIFA dhe UEFA. Gjatë presidencës së tij, Federata e Futbollit të Turqisë ka pasur një bashkëpunim të ngushtë me Fadil Vokrrin, bashkëpunim që është vendosur edhe ndërmjet Kosovës dhe Turqisë, duke realizuar një sërë projektesh përmes një bashkëpunimi të afërt. Me rastin e vdekjes së Vokrrit, ne i shprehim ngushëllimet tona familjes, dashamirësve, Kosovës dhe botës së futbollit”.

 

Telegram ngushëllimi nga presidenti i KOK-ut

Telegram ngushëllimi për ndarjen nga jeta të Fadil Vokrrit, kryetar i FFK-së dhe nënpresident i KOK-ut

Mëngjesi i 9 qershorit 2018 dha lajmi e kobshëm dhe pikëllues për sportin kosovar. Legjenda e të gjitha kohërave të futbollit kosovar, Fadil Vokrri, kryetar i Federatës së Futbollit të Kosovës dhe nënpresident i Komitetit Olimpik të Kosovës (KOK) nuk është më në mesin tonë.

Njeriu që kishte merita të jashtëzakonshme për anëtarësimin e futbollit kosovar në UEFA dhe FIFA, ndërroi jetë në mëngjesin e sotëm, në moshën 57-vjeçare, në kohën kur i duhej më së shumti Kosovës dhe sportit tonë.

Vdekja e Vokrrit, na ka prekur e pikëlluar të gjithëve që e kemi njohur dhe kemi punuar me të. Vokrri ishte figura më e shquar e futbollit tonë në vitet e arta të Prishtinës, duke u bërë idhull i çdo tifozi shqiptarë, por jo vetëm.

Është e vështirë të gjenden fjalë që përshkruajnë kontributin e njeriut me të cilin krenohej e gjithë Kosova në kohën kur luante dhe në kohën sa drejtoi futbollin kosovar. Emri dhe vepra e tij i sollën shumë miq Kosovës, të cilët ia hapën dyert sportit, në veçanti lojës të cilës Fadili ia kushtoi një jetë, futbollit.

Nga viti 2012 Vokrri dha kontribut edhe në Lëvizjen Olimpike, duke u emëruar anëtar i Bordit Ekzekutiv i Komitetit Olimpik të Kosovës, në Asamblenë Zgjedhore. Katër vjet më vonë, në Asamblenë Zgjedhore të dhjetorit 2016, Vokrri u emërua nënpresident i Komitetit Olimpik të Kosovës.

Emri i madh i tij dhe e kaluara e tij vetëm sa e bënë edhe më të pasur Lëvizjen Olimpike në Kosovë. Kujtimi për Fadil Vokrrin do të jetë i përhershëm për ne, si një shembull i devotshmërisë dhe i angazhimit të palodhshëm në kuadër të ngritjes së futbollit të Kosovës në një nivel më të lartë.

Në emër të Komitetit Olimpik të Kosovës dhe gjithë Lëvizjes Olimpike në Kosovë, i shpreh ngushëllimet më të thella familjes së tij, miqve, Federatës së Futbollit të Kosovës dhe gjithë dashamirëve të sportit, për humbjen e një njeriu të madh dhe një krahu të fuqishëm të sportit të Kosovës.

Telegram ngushllimi për vdekjen e hershme të legjendës së futbollit Fadil Vokrri

Me pikëllim të thellë mësuam lajmin e hidhur për ndarjen nga jeta e legjendës së futbollit të Kosovës, Fadil Vokrri. Prandaj na lejoni t’Ju shprehim ngushllime për ketë humbje të madhe për Ju si federatë e futbollit, për familjen dhe njëkohësisht për ne të gjithë. Sepse nga sot ne të gjithë jemi më të varfër pa Fadilin. Shqiptaret humben yllin e futbollit, te rinjtë humben idolin e tyre, Republika e Kosovës humbi diplomatin dhe negociatorin e jashtëzakonshem, që falë miqësisë dhe respektit që gezonte anembanë globit, arriti të antarësojë Kosovën në FIFA dhe UEFA. Ishim të priviligjuar dhe të lumtur të bashkëpunonim më të.

U prehsh ne paqe miku ynë!!

Vëllezrit Shoshi, Leuna, Gjermani

Rainer Milkoreit, zevëndespresident i DFB si dhe Ambasador Nderi i Kosoves Luan Krasniqi

Dr. Vilson Mirdita, Ambasadori i pare i Kosoves ne Gjermani Fekmi Kongjeli

Telegram ngushëllimi i Memli Krasniqit

“Nuk e di si do të të kujtoj më mirë, miku im Fadil. Si idhullin e fëmijërisë sime, që na bënte krenar të gjithë shqiptarëve në fushën e blertë apo si bashkëpunëtorin e afërt, të mençur e të durueshëm. Sa me fat jam që kisha rastin të shoh nga afër lojën tende, e për më tepër që punuam gjatë bashkë, ndamë bashkë dhimbjen dhe gëzimin për futbollin e Kosovës. Do të na mungosh shumë. Shumë! Nuk ishte momenti qe të ndaheshe kaq herët nga ne. Kam aq shumë për të thënë e çdo fjalë po më lidhet në fyt. Prehu në paqe, mik i dashur! Faleminderit dhe përjetësisht duartrokitje për ty, Legjendë”, ka shkruar Krasniqi.

Telegram ngushëllimi i ambasadorit britanik, Ruairi O’Conell

“Pata nderin ta konsiderojë Fadil Vokrrin si shok. Fadili ka qenë gjigant i sportit e Kosovës. Mirë që Fadili ka realizuar ëndrrën e kosovarëve që Kosova të anëtarësohet në FIFA dhe të marrë pjesë në konkurrencën ndërkombëtar. Ai ka qenë njeri shumë modest, por madhështor, dhe trashëgimi i tij do të ketë efektin e pakrahasueshëm për gjeneratat në vijim. Ngushëllime për familjen, por edhe krejt Kosovën”.

Deklarata e ish-trajnerit të Prishtinës, legjendës kroate, Ciro Blazevic

“Ende e kujtoj popullaritetin e tij dhe popullarizimin e përgjithshëm dhe dashurinë që publiku kishte për të. Nuk ishte vetëm një futbollist i talentuar, por një burrë. Një qenie njerëzore e cila me tiparet dhe karakterin e tij, ka tronditur masën. Kur i do njerëzit, atëherë edhe ata të duan ty. Ka qenë shumë, shumë emocional. Ka qenë një nga aventurat më të bukura në jetën time. I gjithë qyteti jetonte për klubin. Dhe sot, nga gjenerata në gjeneratë kjo histori transmetohet për epokën e paharruar. Sot ndjej kënaqësi të madhe për periudhën që kam kaluar me Fadil Vokrrin në Prishtinë. Fadil Vokrri ishte dhe do të mbetet personalitet historik i kohës sonë”.

 

Telegram ngushëllimi nga SHGSK

Shoqata e Gazetarëve Sportivë të Kosovës më pikëllim të thellë e morri lajmin për ndarjen nga jeta të legjendës së futbollit kosovar, Fadil Vokrri. Pas një implikimi shëndetësor, Vokrri ndërroi jetë në moshën 57 vjeçare.

Kosova sot humbi njërën ndër figurat më të shquara të saj jo vetëm në sport por në të gjitha sferat e jetës, një ambasador, një njeri që më veprimtarinë e tij jetësore e bëri gjithë botën të fliste për ne.

Në këto moment të rënda për familjen, SHGSK-ja qëndron afër tyre dhe shprehë ngushëllimet më të sinqerta familjarëve dhe gjithë qytetarëve të Kosovës. U prehsh në paqe legjendë.

 

Telegam ngushëllimi nga Oda e Avokatëve të Kosovës

 

Kryetari i Odës së Avokatëve të Kosovës, Osman Havolli, në emrin e tij dhe të gjithë avokatëve, shpreh ngushllimet më të sinqerta familjes, të afërmve dhe miqve, për ndarjen nga jeta të legjendës së futbollit kosovar, njëherit Kryetarit të Federatës së Futbollit të Kosovës, Fadil Vokrri.

Vokrri  ka lënë, por edhe i la histori futbollit të Kosovës, përmes të cilit shumë shtete të botës arritën ta njohin se kush është Kosova.

Telegram ngushëllimi nga familja Xhaka

Telegram ngushëllimi pas lajmit tragjik për vdekjen e presidentit të FFK-së Fadil Vokrri

Lajmin për ndarjen nga jeta të legjendës së futbollit kosovar, Fadil Vokrri, e morrëm me pikëllim të thellë.

Kosova humbi njërën ndër figurat më të shquara të saj jo vetëm në sport por në të gjitha sferat e jetës, një njeri që më veprimtarinë e tij jetësore e bëri gjithë botën të fliste për ne.

Udhërrëfyes dhe frymëzues i shumë gjeneratave dhe personalitet i shquar, njeri i cili i priu Federatës së Futbollit të Kosovës drejt ndërkombëtarizimit te plotë në UEFA dhe FIFA.

Në këto moment të rënda për familjen, qëndroj afër tyre dhe shprehë ngushëllimet më të sinqerta atyre dhe gjithë komunitetit të futbollit në Kosovë dhe më gjerë.
U prehsh në paqe legjendë.

Ragip Xhaka me familje.

elegram ngushëllimi nga Eduard Abazi

Pa pritur dhe akoma pa besuar mire, mora lajmin e trishtuar te ndarjes nga jeta te legjendes se kosoves dhe mikut tim te shtrenjte gjithmon i pa vdekshem per mua, Zoti, Fadil Vokrri.
Nji dite tragjike per familjen e tij si dhe e padiskutueshme per te gjithe popullin e Kosoves.
Por ne veçanti shumë tragjike per familjen tuaj te futbollit si federate.
Me hidherim te madhe, ju dergoje juve si federate dhe familjes se tij personalisht, ngushellimet e mija dhe te familjes time.
Zoti t’i jape paqe, Fadilit dhe t’ua lehtsoje dhimbjen per kete humbje juve dhe familjes se tij.
Me respekt,
Eduard Abazi.
Portugali

Telegram ngushëllimi i Besnik Hasit

Lajmin për ndarjen nga jeta të legjendës së futbollit kosovar, Fadil Vokrri, e morra me pikëllim të thellë.

Kosova sot humbi njërën ndër figurat më të shquara të saj jo vetëm në sport por në të gjitha sferat e jetës, një ambasador, një njeri që më veprimtarinë e tij jetësore e bëri gjithë botën të fliste për ne.

Udhërrëfyes dhe frymëzues i shumë gjeneraratave dhe personalitet i shquar, njeri i cili i priu Federatës së Futbollit të Kosovës drejt ndërkombëtarizimit te plotë në UEFA dhe FIFA.

Në këto moment të rënda për familjen, qëndroj afër tyre dhe shprehë ngushëllimet më të sinqerta atyre dhe gjithë komunitetit të futbollit në Kosovë dhe më gjerë.
U prehsh në paqe legjendë.

Besnik Hasi,
ish-futbollist i Reprezentacionit të Kosovës dhe Kombëtares Shqiptare

Telegram ngushëllimi nga KF Liria

Miq,sportistë e shokë të të ndjerit Fadil Vokrri

Më lejoni që në emrin tim , të KF Liria dhe adhuruesve të saj, të shpreh ngushëllimet më të thella me rastin e ndarjes nga jeta, të kryetarit të FFK-së, Fadil Vokrri.
‘Lajmi për ndarjen para kohe nga jeta të kryetarit Vokrri, ka pikëlluar jo vetëm KF Liria, por dhe qytetin e Prizrenit e më gjerë. Ikja para kohe e legjendës së futbollit, ka lënduar zemrat e adhuruesve të lojës së futbollit, sportistëve në përgjithësi dhe në veqanti ka lënduar thellë zemrat e gjithë neve që e njohëm, punuam me te, dhe kishim e do të kemi kujtime të pa shlyera ndër jetë.U prefshë në paqe kryetar”!
Me pikëllim !

KF Liria
Qemal Krasniqi, kryetar

Telegram ngushëllimi nga FFSHGJ

Vdekja e Fadil Vokrrit, kryetarit të Federatës së Futbollit të Kosovës, na ka prekur të gjithë neve aktivistëve të futbollit e të sportit shqiptar në Gjermani, futbollistët e klubeve shqiptare në Gjermani, kryesitë e tyre, sponzorët dhe të gjithë dashamirët e futbollit.
Të gjithë ne, aktivistët e futbollit në Gjermani, të grumbulluar në FFSHGJ me dhembje të madhe morëm lajmin për vdekjen e Fadil Vokrrit.
Ndarja nga jeta e këtij ish-futbollisti e tash prijes i futbollit të Kosovës, këtij njeriu të madh është një humbje e pakompenzueshme për familjen, për FFK-në, për dashamirët e sportit dhe për shtetin e Kosovës
Tek Fadil Vokrri ne gjetëm njeriun e përshtatshëm për bashkëpunim dhe gjithmonë në të mirë të zhvillimit dhe të përparimit të futbollit si në Kosovë ashtu edhe në diasporë. Presidenti Vokrri ishte njeri pa komplekse dhe i gatshëm që në çdo moment të jetë bashkë me sportistët të cilët e deshtën aq shumë sa që vështirë po pajtohen se më nuk do ta kenë në mesin e tyre të adhuruarin e madh të tyre.
Me këtë rast Kryesia e Federtës së Futbollit Shqiptar në Gjermani, edhe në emër të rreth 4.000 futbollistëve të klubeve shqiptare në Gjermani dhe të mijëra dashamirëve tjerë të lojës së futbollit u shpreh ngushëllimet më të thella familjes Vokrri, Federatës së Futbollit të Kosovës dhe të gjithë dashamirëve të sportit në Kosovë dhe kudo që janë ata.
Fadil Vokrrin do ta ruajmë në kujtesë si punëtor të madh sportiv që dinte të njohë, të përfaqësojë dhe të mbrojë interesat e futbollit.
Fadil Vokrri ishte i madh si njeri, si futbollist dhe si prijës i futbollit të Kosovës, duke e dërguar atë në gjirin e UEFA-s e të FIFA-s.
Lavdi jetës dhe veprës së Fadil Vokrrit.
Shpirti i tij pushoftë në paqe.

Për FFSHGJ
Ruzhdi Statovci, kryetar

Fotolajm

Rozana Radi provokon nga pasqyra, shfaq gjoksin më shumë se ç’duhet
?>

ke nje LAJM

Jeni në vend të ngjarjes, apo dëshironi ta ndani ndonjë storie me të tjerët?

Klikoni në butonin më poshtë

DËRGO