Në vazhdën e kremtimit të 550 vjetorit të vdekjes së kryeheroit kombëtar GJERGJ KASTRIOTI SKËNDERBEU, Teatri shqiptar në Amerikë me projektin teatror \GJERGJ KASTRIOTI SKËNDERBEU\ , pas shfaqjeve të suksesshme në Zagreb, Vien, Luzern, Gjenevë dhe Paris, vazhdon me prezentimet dinjitoze tani edhe në Itali dhe Gjermani.

Vetëm të shfaqurit e GJERGJ KASTRIOTIT SKËNDERBEUT para nipave, mbesave, stërnipërve dhe stërmbesave na kujton e shpie tek Moti i Madh i Arbërit, ajo periudhë e ndritur dhe plotë lavdi kur një popull i vogël i bëri ballë, luftoi trimërisht dhe triumfoi ushtarakisht gati në të gjitha betejat me barbarët falë strategjisë luftarake të atij burri të madh që kaloi përtej dimensioneve të heroit, mitit dhe legjendës.

Shfaqja e dramës GJERGJ KASTRIOTI SKËNDERBEU në Frasnita, Lungra, Çivita, Kozencë, Piana Degli Albanesi dhe San Giorgio Albanessi rimotivon Arbëreshët që më shumë se 550 vite mbajnë të ndezur flakën e Atdhedashurisë duke e ruajtur gjuhën shqipe Arbërisht me bindje Shqipërisht.

Kjo turne e Teatrit shqiptar në Amerikë, me nëntë shfaqje brenda dy javësh, është historike për hir të dimenzionit me një shtrirje vizionare dhe kombëtare, me qasjen e aktualitetit si realizim i qëlluar dhe me cilësi të larta artistike që prin në shënimin e jubileut të rëndësishëm duke dhënë mesazhe të qarta në favor të ngritjes së dinjitetit kombëtar. Kjo shfaqje padyshim se shënon një ngjarje kulturore e artistike dhe tingëllon bindshëm Shqipërisht për gjeneratat që trokasin drejt ardhmërisë me identitet të qartë kombëtar.

Drama GJERGJ KASTRIOTI SKËNDERBEU është shkruar nga Xhevat Limani i cili shfaqet edhe si regjisor bashkë me aktorin holiwudian Michael Tylo.
Në rolin e Skënderbeut paraqitet Xhevat Limani. Donikën e ka realizuar sopranoja Era Hoxha.
Në rolin e Vojsavës prezentohet Merita Çoçoli. Si zëra në rolet e Sulltanit, Papës, Mbretit Ferdinand,etj paraqiten: Vebi Qerimi, Luan Daka, Hamdi Rashidi etj.
Skenograf është Kristaq Kapedani, ndërsa kostumet i ka punuar stilisti, Fadil Sahiti. Kompozitorë të muzikës janë :Aleksandër Peçi dhe Elvis Peçi, ndërsa piktor i dekorit Enkel Dika. Elementet koreografike janë fryt i koreografit Altin Naska.
Përkrenaren dhe shpatën e modeloi Lenny Cassio .

Shfaqjet do të kenë këtë itinerar:

1 prill në Frascineto Kalabri
Hapja e festës së Pashkëve me vallen e Skënderbeut

3 prill në Frascineto
shfaqet drama GJERGJ KASTRIOTI SKËNDERBEU
në sheshin A l b a n i a
Ora. 20:30

4 prill në CIVITA.
GJERGJ KASTRIOTI SKËNDERBEU
në Eccomuseo Palazzo Castellano
O r a. 18

5 prill në LUNGRO
GJERGJ KASTRIOTI SKËNDERBEU
Cassa della Musica “V. Stratikoi”
O r a. 21

6 prill në  COSENZA
GJERGJ KASTRIOTI SKËNDERBEU
O r a. 17

8 prill në  PIANA DEGLI ALBANESI
GJERGJ KASTRIOTI SKËNDERBEU
Teatro del Seminario
O r a. 21

9 prill në  SAN GIORGIO ALBANESI
GJERGJ KASTRIOTI SKËNDERBEU
ORA 20

14 prill në  2018 STUTTGART -Gjermani
në LIEDERHALLE-Stuttgart
Ora 19

GJERGJ KASTRIOTI SKËNDERBEU
shfaqet në kuadër të Programit kulturor të qytetit të Shtutgartit dhe në organizim të gjithë shoqatave shqiptare të bashkuara.
Për ralizimin e këtij turneu historic, falenderimet shkojnë për:
Luçia Martino, Brunilda Lato, Mirela Noemy Piero Palummo,
Alesandro dhe Giorgio Guccia, Ardian Hoxha, Amdi Vinca, Qazim Doda, Jahja Gashi me baskëshorte Nora Gashi Abedini si dhe menaxherja e Teatrit shqiptar në Amerikë znj. Lule Limani.