Të hënën në Gjakovë protestohet kundër vrasjes së grave dhe vajzave

​ Të hënën në Gjakovë do të protestohet nën sloganin “Mjaft më me Vrasjen e Vajzave dhe Grave”.

Lajme

08/08/2018 21:55

Kjo protestë është paralajmëruar nga Rrjeti i Grave të Kosovës, pas vrasjes së një gruaje dhe të bijës së saj në Gjakovë. Vrasja e cila dyshohet të jetë kryer nga bashkëshorti i 40 vjeçares.

Njoftimi i plotë: 

Më 13 gusht në bashkëpunim me RrGK-në (Rrjetin e Grave të Kosovës), në ora 12:00 marshojmë prej Stacionit të Policisë së Gjakovës e deri te Gjykata në Gjakovë për të kundërshtuar vrasjen e gruas 40 vjeçare dhe vajzës së saj në Berkoc të Gjakovës, dhe për të kërkuar përgjegjësi nga institucionet e Kosovës për këtë dhe shumë raste të tjera të dhunës në Kosovë.

Individ e aktivistë/e nga shoqëria civile, të bashkuar/a kërkojmë t’i japim fund dhunës dhe t’u themi të gjitha institucioneve në Kosovë dhe shoqërisë kosovare kundërshtimin tonë me një fjali të vetme: Mjaft më me arsyetime!

Kjo protestë është organizuar si reagim kundër vrasjes së dyfishtë si pasojë e dhunës në familje, në Komunën e Gjakovës. Më shumë për këtë rast mund të lexoni këtu:
Dhuna në familje është krim, dhe si e tillë duhet trajtuar. Dështimi në ofrim të mbrojtjes për gratë dhe vajzat që raportojnë dhunën në qon deri tek vrasja e tyre nga ushtruesit e dhunës.
#NukKaArsyetim #NoExcuses.