Tajani kërkon falje që iu refereua pjesëve të Kroacisë dhe Sllovenisë si italiane – Lajmi.net
Tajani kërkon falje që iu refereua pjesëve të Kroacisë dhe Sllovenisë si italiane
Autori: Lajmi.net BotaLajme 19:43, 11 February 2019
Kryetari i Parlamentit Evropian kërkoi falje pasi iu refereua pjesëve të Kroacisë dhe Sllovenisë si italiane.

Duke folur në një ngjarje të dielën, në nderim të italianëve që kanë vdekur dhe atyre që kanë ikur nga rajonet kufitare të Detit Adriatik, për t’iu shpëtuar partizanëve jugosllavë gjatë masakrave të Luftës së Dytë Botërore, Antonio Tajani iu referua Istrës dhe Dalmacisë si italiane.

Rajonet janë bërë pjesë e Jugosllavisë dhe, më vonë, e Kroacisë dhe Sllovenisë, përcjell rel.

Anëtarja kroate e Parlamentit Evropian, Ivana Maletiq, i clësoi komentet e Tajanit si “krejtësisht të papranueshme” dhe tha se ato mund t’i shtyjnë qytetarët kroatë që të mos votojnë në zgjedhjet për Parlamentin Evropian që do të mbahen në maj.

Ministri i Jashtëm slloven, Miro Cerar, shkroi në Twitter se “çdo shtrembërim i fakteve historike rreth ngjarjeve në zonën kufitare midis Sllovenisë dhe Italisë është i papranueshëm”.

Tajani kërkoi falje të hënën, duke thënë se referimi i tij ndaj rajoneve “nuk është pretendim territorial”.

“Më vjen keq nëse fjalët e mia janë keqinterpretuar”, tha Tajani gjatë një sesioni të Parlamentit Evropian në Strasburg.

“Nuk ishte qëllimi im që të ofendoja askënd. Unë vetëm kam dashur të dërgoj një mesazh paqeje mes popujve, në mënyrë që ajo që ka ndodhur atëherë, të mos përsëritet kurrë”, tha Tajani.

Fotolajm

Rita, Dua dhe Era.
?>

ke nje LAJM

Jeni në vend të ngjarjes, apo dëshironi ta ndani ndonjë storie me të tjerët?

Klikoni në butonin më poshtë

DËRGO