Tahiri: Projektligji për Amnisti është përpjekje për të legjitimuar dhunën e deputetëve brenda Kuvendit – Lajmi.net
Tahiri: Projektligji për Amnisti është përpjekje për të legjitimuar dhunën e deputetëve brenda Kuvendit
Autori: Lajmi.net LajmePolitikë 17:27, 13 February 2018
Ministri i Drejtësisë, Abelard Tahiri
Ministri i Drejtësisë, Abelard Tahiri
Ministri i Drejtësisë, Abelard Tahiri është shprehur i pakënaqur me iniciativën për propozimin dhe hartimin e Projektligjit për Amnisti. Përmes një statusi të veçantë në rrjetin social Facebook, ministri Tahiri ka thënë se ky Projektligj është vetëm përpjekje për të legjitimuar hedhjen e gazit në Kuvendin e Kosovës, nga legjislatura e kaluar.
“Nisma legjislative për propozimin dhe hartimin e Projektligjit për Amnisti, e ndërmarrë së fundmi nga disa deputetë të Kuvendit të Republikës së Kosovës, është përpjekje direkte për të legjitimuar dhunën e manifestuar nga deputetë të mandatit të kaluar brenda hapësirave të institucionit të Kuvendit. Kjo nismë legjislative ka për qëllim të përjashtojë nga ndjekja penale, individë të caktuar, të cilët kanë përgjegjësi penale individuale për veprat për të cilat janë duke u hetuar dhe për një pjesë edhe janë dënuar”, ka shkruar Tahiri.
Kundër këtij projektligji, ministri Tahiri madje ka shkruar edhe opinion negativ, duke potencuar se do të angazhohet edhe personalisht që kjo nismë të mos mbështetet.
“Projektligji mëton të vendosë një praktikë të pa precedentë deri më tani dhe si e tillë, edhe cenon parimin e barazisë para ligjit për të gjithë qytetarët, dhe për më tepër i lëndon përpjekjet dhe angazhimet e përbashkëta institucionale për fuqizimin dhe konsolidimin e sundimit të ligjit dhe Shtetit të së Drejtës. Ministria që unë udhëheqë, në bazë të përgjegjësive ligjore, sipas kërkesës së Zyrës së Kryeministrit, ka përgatitur Opinionin e saj, i cili evidenton se kjo nismë paraqet regres për rendin juridik dhe mbi këtë bazë do të angazhohem edhe personalisht që kjo nismë të mos mbështetet si e tillë”, ka përfunduar Tahiri. /Lajmi.net/

Fotolajm

“Kulturë boksi” përpara Ministrisë së Kulturës në Prishtinë /FOTO
Foto, aparati për matjen e fuqisë së goditjes përpara Ministrisë së Kulturës në Prishtinë /lajmi.net ?>

ke nje LAJM

Jeni në vend të ngjarjes, apo dëshironi ta ndani ndonjë storie me të tjerët?

Klikoni në butonin më poshtë

DËRGO
 

Lojëra

  • Play Zombie Big Trouble
  • Play Stealth Sniper
  • Play Bow Master Japan
  • Play Urban Basketball