Tahiri: Këto janë katër opsionet për formimin e qeverisë së re

Politologu Ramush Tahiri ka vlerësuar se në rezultatin e zgjedhjeve të 11 qershorit ndikim të madh ka pasur edhe lidhja e koalicioneve të shpejta parazgjedhore.

Lajme

13/06/2017 22:50

Ai ka thënë për “Epoka e re” se ndryshimi i shpejtë i raporteve të subjekteve politike, nga kundërshtarë në partnerë, ka hutuar elektoratin.

Tahiri ka treguar se kjo është vërejtur te bastionet e koalicionit PAN, me ç’rast ka pasur dalje të ulët në zgjedhje dhe një numër të madh të votave të pavlefshme.

Ai ka përjashtuar si variant shkuarjen në zgjedhje të reja.

Tahiri ka pohuar se tani duhet zgjedhur mes katër varianteve: një qeveri gjithëpërfshirëse e cila do t’i kryente obligimet që ka Kosova; qeveri mes PAN’it dhe LDK’së me minoritetet; apo qeveri mes PAN’it dhe VV’së me minoritetet, e që kjo është pak e mundshme. Varianti i katërt është një qeveri mes VV’së LDK’së, AKR’së, Alternativës dhe minoriteteve.