Tahiri i shkruan BE-së: Procesi i votimi në Medvegjë do të dështojë
Kontrolle të shtuara nga ana policisë dhe ushtrisë serbe të cilët janë me shumicë në zonën e komunës së Medvegjës po bëjnë që shumë shqiptarë nga Kosova të vonohen në procesin e votimit që po mbahet atje.
Lajme
Madje ka mundësi që disa prej tyre të mos mund të votojnë fare kur kanë mbetur edhe më pak se gjysmë ore deri në mbylljen e votimit.
Ministrja Edita Tahiri në anën tjetër i ka shkruar një letër BE-së, ku ndër të tjera ka thënë se ky proces i votimit do të dështoj nëse nuk lejohen që të gjithë qytetarët të votojnë.
“Para pak çasteve ministrja Tahiri i ka shkruar një letër BE-së duke i paralajmëruar ata mes tjerash që ky proces zgjedhorë do të dështoj nëse nuk i mundësohet secilit qytetarë legjitim që të votoj”, ka thënë Dren Zeka, këshilltarë i lartë i ministres Tahiri.
Pala serbe ka vazhduar me pengesa ndaj qytetarëve të Medvegjës që jetojnë në Kosovë duke tentuar t’ua pamundësojë të drejtën e tyre fundamentale që të marrin pjesë në procesin zgjedhor që po zhvillohet atje.
Para pak minutash ka kaluar edhe autobusi i fundit nga pjesa e Kosovës në territorin serbë. /Zeri/