Tahiri ka thënë se ky investim ka rëndësi për efikasitetin dhe menaxhimin dhe statistika të sakta të rasteve.

Ky është postimi i plotë i Tahirit:

Efikasiteti i gjykatave dhe prokurorive në menaxhimin e rasteve duhet të kalojë në një dimension tërësisht të ri dhe më funksional. Qytetarët kanë të drejtë e po ashtu edhe nevojë për të pasur qasje më të lehtë dhe të sigurt në raport me lëndët e tyre në prokurori dhe gjykata.

I shpreha falënderimet e mia ambasadorit Norvegjez dhe përfaqësuesve të Ministrisë së Jashtme të Norvegjisë, për mbështetjen e tyre financiare në dizajnin dhe realizimin e projektit të digjitalizimit të sistemit të prokurorisë dhe gjykatave. Ky sistem, do të mundësojë regjistrimin online të rasteve, efikasitet më të madh në menaxhimin e tyre, statistika të sakta dhe rritjen e integritetit të sistemit të Drejtësisë në përgjithësi. Unë kam ofruar mbështetjen time të plotë Këshillit Gjyqësor dhe Këshillit Prokurorial të Kosovës, që ky projekt të përmbushë të gjitha pritjet e qytetarëve, për një sistem transparent dhe të besueshëm të menaxhimit të lëndëve.