Thaçin e Haradinajn i bashkon dhimbja në Studime
Presidenti i Kosovës, Hashim Thaçi, ka thënë se shteti i Kosovës nuk do të ndalet deri në zbardhjen e plotë të krimeve të shkaktuara nga ushtria serbe.
Lajme
Ai këto komente i ka bërë në përkujtimin e masakrës së Studimes në Komunën e Vushtrrisë, njofton Klan Kosova.
Thaçi shtoi se maskara të tilla janë dëshmia më e mirë se sa shtrenjtë është paguar çmimi i lirisë.
Në këtë ceremoni përkujtimore ka marrë pjesë edhe lideri i Aleancës për Ardhmërinë e Kosovës, Ramush Haradinaj.
Me 2 maj të vitit 1999 në Studime ishin vrarë 116 civilë shqiptarë.
Këta të fundit u nxorën nga kolona e qindra njerëzve që kishin marrë rrugë për Shqipëri.
Nga dëshmitarët mësohet se 116 civilët u pushkatuan brenda dy orëve.
Familjarë dhe qytetarë të tjerë kujtojnë çdo vit këto viktima, e ashtu do ndodh edhe këtë vit.