‘Makthi’ i Betis quhet Messi – Statistika
Barcelona do të përballet sonte me skuadrën e Real Betis, me fillim nga ora 20:45.
Sport
Ndeshja mes këtyre dy skuadrave do të jetë e vlefshme për xhiron e28-të të kampionatit spanjoll.
Sigurisht, para secilës ndeshje të Barcelonës, vëmendja kryesore qëndron tek argjentinasi Lionel Messi.
‘Sport’ e ka etiketuar numrin 10 të Barcelonës si ‘makthin’ e skuadrës së Real Betis, transmeton lajmi.net.
Në 20 paraqitje kundër Betis, Messi ka shënuar 20 gola, që përkthehet si një gol për ndeshje.
Edhe në përballjen e fundit mes dy skuadrave, argjentinasi shënoi dy gola, por skuadra e tij humbi me rezultatin 3:4.
Kjo ishte humbja e parë dhe e vetme e Barcelonës këtë edicion në ‘Camp Nou’.
Messi duket se i ka në qejf skuadrat nga Andaluzia, pasi rekord fenomenal regjistron edhe kundër Sevillas. /Lajmi.net/