Ish-mesfushori i Liverpoolit, Lucas Leiva ka njoftuar tërheqjen e tij nga futbolli në moshën 36-vjeçare për shkak të një sëmundjeje në zemër.

Braziliani ka luajtur rreth 600 ndeshje në karrierën e tij 17-vjeçare në klub. Lucas iu bashkua Liverpoolit në vitin 2007, duke qëndruar në ‘Anfield’ për 10 vjet përpara se të transferohej në Serie A në 2017, ku luajti për pesë sezone me Lazio.

Lucas u kthye verën e kaluar në klubin e tij të fëmijërisë, Gremio, duke bërë 17 paraqitje dhe duke shënuar tre gola për skuadrën braziliane përpara se të largohej nga fusha në dhjetor, kur u diagnostikua me një problem në zemër pas testeve rutinë.

Së fundmi, Lucas njoftoi se kjo çështje i ka sjellë një fund të parakohshëm karrierës së tij. “Unë do të doja të falënderoja Gremio për të gjithë mbështetjen në këta tre muaj,” tha ai në një konferencë për shtyp. “Sot po shpall pensionin tim. Ka qenë një periudhë e vështirë.

Po përfundoj aty ku do të doja, jo ashtu siç do të doja. Por jam i sigurt se do të fillojë një cikël i ri. Kisha shumë shpresë se [çështja] mund të rikthehej, por nuk ishte kështu. Shëndeti im është i pari.”/Lajmi.net/